Clinton mund të emërojë një grua si zëvendës presidente

Hillary Clinton dhe Elizabeth Warren u takuan të premten në mëngjes, pasi në Uashington kishin dalë fjalë mbi mundësinë e një bashkimi historik të dy grave që mund të ndihmojë në bashkimin e Partisë Demokratike.

Kamionët televizivë kishin parkuar jashtë dhe kamerat kapën Warren të dalë nga një SUV blu me drejtorin legjislativ Jon Donenberg dhe shkuan në rezidencën madhështore Whitehaven të Clinton në Uashington, D.C.

Warren u largua nga shtëpia e Clinton rreth orës 11:45 paraditen e të premtes pa folur me asnjë nga gazetarët, dhe Clinton shkoi të mbante një fjalim për Fondin e Veprimit të Planifikimit Familjar.

Ndërkohë që ato të dyja flisnin privatisht, diskutimi mes demokratëve jashtë vendbanimit ishte konsensusi që i jepej Warren si një  shoqëruese shumë e mirë – dhe një qen sulmi – për Klinton, madje edhe midis mbështetësve kokëfortë të  Bernie Sanders.

Jeff Merkley i Oregon, përkrahësi i vetëm i Sanders në Senat, shpërtheu mbi perspektivën e Warren si zëvendës presidente, duke folur për të në një intervistë me Kate Bolduan të CNN si një progresive që mund të vazhdojë atë që filloi Sanders.

“Tani për tani, Kate, çdo progresiv në Amerikë po shpreson se biseda në shtëpinë e sekretares Klinton ka të bëjë se si Elizabeth Warren do të ishte një zëvendës presidente e mrekullueshme e Shteteve të Bashkuara,” tha ai.

Merkley nuk ishte aq entuziast edhe për Clinton, por pohoi se ai “absolutisht” e mbështet atë si kandidate.

“Ajo që unë dua të shoh është suksesi në nëntor, dhe kjo do të thotë të bashkojmë gjysmat e partisë. Dhe një mënyrë për ta bërë këtë është përmes politikave të mira që kumbuan me aq pasion në themelet e partisë, “tha ai. “Futini ato në fushatë. Bëjini ato pjesë të ADN-së së fushatës presidenciale që po zhvillon Sekretarja Clinton.”

Ish Governatori i Vermontit Howard Dean, i cili rindezi të majtën kur kandidoi për president në vitin 2004, por mbështeti Clinton në zgjedhjen e kandidatëve në vitin 2016, tha për POLITICO: “Unë mendoj se Elizabeth është absolutisht e kualifikuar dhe do të jetë një zgjedhje e mrekullueshme.”

Por shtoi gjithashtu se shpreson që Clinton në vend të saj të zgjedhë “dikë nën të 50-tave. Ne duhet të mendojmë t’ja kalojmë udhëheqjen e vendit tonë gjeneratave të ardhshme.” Warren është 66 vjeç.

Në intervistat me POLITIKO, demokratët me ndikim kanë thënë se e shohin Warren jo vetëm si një kandidate për zëvendës presidente të mirë, por edhe një aleate të fuqishme për të ndihmuar në luftën për të parandaluar një presidencë të Trumpit.

Biseda në shtëpinë e Clinton në Uashington erdhi një ditë pasi Warren mbështeti ish-sekretaren e shtetit dhe sulmoi  Trump duke ju referuar si “lëkurë zbehtë” gjatë një forumi ligjor pranë Shtëpisë së Bardhë.

“Unë jam gati të futem në këtë luftë dhe të punoj me zemër për Hillary Clinton që ajo të bëhet presidentja e ardhshme e Shteteve të Bashkuara dhe për tu siguruar që Donald Trump as të mos ketë mundësi ti afrohet Shtëpisë së Bardhë”, tha Warren për MSNBC.

“Krenare që kam mbështetjen e @SenatoresWarren – një grua që është krejt e kundërta e Trump: e ndershme, e mirë, dhe thellësisht e shqetësuar për familjet që punojnë”, ka shkruar Clinton në profiling e saj në Twitter në orën 12:20 të premten.

Midis spekulimeve në rritje se Clinton mund të emërojë Warren si zëvendës presidente, Clinton tha për POLITICO këtë të enjte se ajo ka konsideratat më të larta për Warren, duke e quajtur atë “jashtëzakonisht të kualifikuar për çfarë do roli,” duke përfshirë edhe zëvendës presidenten.

Warren shprehu besimin se ajo mund ta bëjë këtë punë, duke pohuar se ajo ka kapacitet të jetë komandante e përgjithshme – rol të cilin një një zëvendës president e merr përsipër nëse një president vdes, jep dorëheqjen apo shkarkohet./A.A.

Për të lexuar atikullin e plotë klikoni: politico.com