Burri barbar pret hundën e gruas

Një gruaje afgane e martuar që në moshën 15-vjeçare ju pre hunda nga burri i saj i tërbuar duke përdorur një thikë xhepi.

E gjymtuar keq Reza Gul, 20 vjeçe, u dërgua shpejt në spital pas sulmit në provincën veriperëndimore të Faryab të dielën pas humbi sasi të mëdha gjaku.

Bashkëshorti i saj, Mohammad Khan, ishte kthyer  kohët e fundit nga Irani dhe filloi ta rrihte dhe torturonte gruan e tij, edhe para se të merrte një nuse të dytë shtatë vjeçare.

Incidenti thekson dhunën endemike kundër grave në shoqërinë afgane, pavarësisht reformave që janë ndërmarrë që kur u rrëzua regjimi i ashpër Talibano islamik nga një pushtim i udhëhequr nga SHBA-të në vitin 2001.

Burri i Gul, Mohammad Khan, 25 vjeç, është larguar nga fshati i tyre. Znj Salimi tha se Spitali afgano-turk në Maimana po përpiqej të rregullonte transportin për znj Gul në Turqi për trajtim të mëtejshëm.

Fotografia e Gul ka ngjallur zemërim në internet, me shumë aktivistë që kërkojnë dënim për atë që dikush e quajti një “akt barbar.”

Zëdhënësi i Guvernatorit të Faryab, Ahmed Javed Bedar konfirmoi incidentin në AFP. “Mohammad Khan (burri) preu hundën e Reza Gul me një thikë xhepi,” tha ai.

“Një akt i tillë brutal dhe barbar duhet të dënohet ashpër”, tha për AFP aktivistja e të drejtave të grave me qendër në Kabul, Alema.

“Incidente të tilla nuk do të ndodhnin nëse sistemi gjyqësor i qeverisë do ti ndëshkonte rëndë sulmet mbi gratë,” shtoi Alema.

Nuk ishte menjëherë e qartë se çfarë e shtyu burrin ta sulmonte Gul-en, nënën e një fëmije një vjeçar e cila ishte martuar që adoleshente.

Bedar tha se Khan, një njeri i papunë, ishte kthyer kohët e fundit nga Irani fqinj dhe mund të jetë bashkuar me talebanët pasi iku nga shtëpia pas sulmit./A.A.

/nollygrio.com