Ligji i ri: Nëse punojësit socialë dhunojnë fëmijët, nuk do të ushtrojnë më profesionin

Çdo punonjës social që ushtron dhunë ndaj fëmijëve nuk do të mund të ushtrojë më pofesionin. Ky ndyshim ligjor është bërë i ditur në një aktivitet që ministri i Mirëqënies Sociale dhe Rinisë Blendi Klosi ka kryer në Shkodër, në kuadër të nismës “Unë mbroj fëmijët”.

Ministri Klosi deklaroi gjatë një takimi me studentët e Shkencave Sociale në Shkodër, se ligji i ri për mbrojtjen e fëmijëve, urdhri i sociologut dhe i psikologut do të ashpërsohen për penalizimin e punonjësve që dhunojnë fëmijët. Ai deklaroi se me këto ndryshime ligjore, do t’i hiqet e drejta e ushtrimit të profesionit përgjithmonë, çdo punonjësi që ushtron dhunë ndaj fëmijëve.

Një nga ndryshimet e tjera që do të propozohen për ligjin “Për mbrojtjen e të drejtave të fëmijëve”, është njohja si formë dhune e neglizhimit që prindërit i bëjnë fëmijëve.

/l.k./