Këshilli i Ministrave ka vendosur që personat me ndihmë ekonomike në Tiranë, Durrës dhe Elbasan duhet të plotësojnë një formular të ri për të përfituar pagesat.
Formulari i verifikimit të situatës social-ekonomike, duhet të plotësohet fillimisht nga familjet që futen për herë të parë në skemën e ndihmës ekononomike, ndërsa për familjet e tjera do të fillojë të plotësohet çdo gjashtë muaj.
Formulari i ri përfshin përveç informacioneve personale të përfituesve, të dhëna për banesën, ujin, dritat, gazin dhe mallrat e qëndrueshme. Tek tipi i banesës do të përfshihen edhe numri i dhomave, ballkoneve, ashensorit etj. Po ashtu, formulari kërkon edhe një përshkrim të nivelit të jetesës së aplikantit.
Një pikë tjetër që i është shtuar formularit është refuzimi i kërkesës. Sipas tij, familjet të cilat kanë qoftë edhe vetëm një anëtar të tyre që ka bërë deklarim të rremë apo mos deklarim të ndryshimeve të situatës, do të përjashtohen nga përfitimi. /m.g
Burimi: BalkanWeb
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.