Çfarë ndodhi në 2023-shin?

Teksa për pak ditë mbyllim kapitullin e 23-të të shekullit të 21-të, le të rendemi pak sëbashku në kujtimet e arritjet e komunitetit LGBTQ+ në botë. Pavarësisht sfidave të përditshme që secili ka nga brënda e atyre nga jashtë, duam të shënjojmë ngjarjet më të bukura në botë që i dhanë zë të gjithë personave queer në 2023.

Nga triumfi i martesave mes së njejtës gjini në një pjesë të Azisë, deri te arritja për ndalimin e terapisë konvertuese, dhe prezenca e shtuar e sportistëve LGBTQ+ në sporte, flamuri shumgjyrësh u valëvit krenar përgjatë këtij viti. Për të rikujtuar disa momente kyçe, lexoni më poshtë:

1. Spanja, Qiproja dhe Islanda kriminalizojnë terapinë konvertuese, e cila është një tentativë për të konvertuar personat homoseksualë në hetersoeksual nepërmjet terapive, psikoanalizës, ndryshimit të sjelljes, etj…
2. Hollanda ndryshon kushtetutën në 17 janar për të ndaluar diskriminimin bazuar në orientim seksual.
3. Më 31 janar, Sllovenia njeh zyrtarisht martesën e të njejtës gjini, duke u bërë vendi i parë në Evropën Lindore dhe Ballkan për këtë.
4. Letonia zgjedh presidentin e saj të parë hapur homoseksual, Edgars Rinkevics, më 31 maj,  Ai premton të legalizojë bashkëjetesën e personave të së njejtës gjini nga viti 2024.

1. Më 25 qershor, 400 ushtarë queer turq thyejnë ndalesën nga qeveria turke për të festuar Pride-in  dhe marshojnë nëpër rrugë me krenari.
2. Pas një kërkese nga Gjykata Supreme e Nepalit më 20 mars, Nepali bëhet vendi i parë në Azinë Jugore që njeh martesën e të njëjtës gjini më 29 qershor.
3. Pas anullimit të fundit të Montreal Pride në 2022, Montreal Pride 2023 ishte më e madhe dhe më e mirë se kurrë, duke tërhequr më shumë se 450,000 vizitorë.
4. Ylli pop trans, Kim Petras, merr një Grammy për performancën më të mirë pop bashkë me partnerin e tij, Sam Smith, falë këngës së tyre, “Unholy.”
5. Gjykata Supreme e Sri Lankës nis një program më 9 maj për të dekriminalizuar homoseksualitetin.
6. Parlamenti i Tajvanit miratoi një ligj më 16 maj për të lejuar çiftet e të njëjtës gjini të adoptojnë fëmijë.
7. 21 sportistë të dalë hapur queer morën pjesë në lojërat Pan-Amerikane në Santiago nga 20 tetor deri më 5 nëntor.

1. Legjenda e drag-ut në San Francisco dhe pronari i klubit Oasis, D’Arcy Drollinger, bëhet drag queen-i i parë që merr një çmim nderi në Amerikë për punën e tij bamirëse: Meals on Heels, në të cilën drag queens dorëzonin vaktet në streha gjatë pandemisë.

Pa shumë për të thenë, jemi krenarë dhe të frymëzuar nga arritjet globale të komunitetit LGBTQ+ në botë, si një shenjë e mirë drejt një shoqërie më të dashur dhe mirëpritëse.

E ardhmja premton shumë, jini pozitiv!