SkaNdal në Millenium. Vajzat dhe djemtë LGBT me zë e fytyrë

Kristi Pinderi Posted On 18/09/2015

Aleanca Kundër Diskriminimit LGBT dhe ProLGBT do të shfaqin dokumentarin “SkaNdal”, i cili tregon hapur historinë e lëvizjes LGBT në Shqipëri, në kinema Millenium.

Dokumentari do të shfaqet për publikun e gjerë në Kinema Millenium në datat 22-25 Shtator, në orën 19:00 dhe 26 Shtator, në orën 17:00.

Transmetimi i “SkaNdal” në kinema synon të mbledhë fonde për “Strehën”, qendrën e parë rezidenciale që iu vjen në ndihmë të rinjve të pastrehë ose viktima të dhunës për shkak të orientimit seksual.

Ky dokumentar rrëfen historinë e disa djemve dhe vajzave, jo më me fytyrë dhe emra të fshehur, dhe mënyrën si lëvizja LGBT ndryshoi jetët e tyre.

“SkaNdal”, me regji të Elton Baxhakut dhe Eriona Camit dhe skenar të dy aktivistëve të komunitetit LGBT në Shqipëri, Xheni Karaj dhe Kristi Pinderi ka fituar çmimin e parë në Festivalin Ballkanik të Filmit dhe Kulinarisë “B3F” dhe ka marrë pjesë në disa festivale ndërkombëtare të filmit, DokuFest në Prizren, Festivalin Ndërkombëtar të Filmit në Sarajevë, ne LETC SEE festival ne Vjene, ne festivalin e te drejtave te njeriut ne Hage, etj.Në 63 minuta përshkruhen 5 vjet histori. Le Monde e ka cilesuar ate “nje dokumentar mbreselenes”. Historia e disa aktivistëve të rinj që zbuluan një lëvizje të tërë vetëm nëpërmjet disa festave në mbrëmje dhe socializimit në internet. Tregohen idetë fillestare, frikërat, aksionet e para si ngjitja e posterave në rrugë apo lyerja e stolave me ngjjyrat e ylberit, e më pas rritja dhe zhvillimi i lëvizjes në evente më të mëdha.

E gjithe historia tregohet nga vetë aktivistët, me zë e fytyrë dhe me emrat e tyre duke sjellë kështu për herë të parë në ekranin e madh fytyrat e të rinjve dhe të rejave që nuk fshihen më.

Ju mund të shikoni trailerin dhe informacion shtesë këtu:

http://skandalmovie.com/

http://https://www.youtube.com/watch?v=ot9Rc7Tiooo

- Advertisement -

Author

Kristi Pinderi

Mbrojtës i palodhur për të drejtat e LGBT+ është bashkëthemelues i ProLGBT dhe I Aleancës Kundër Diskriminimit, të dyja organizatat kryesore për mbrojtjen e personave LGBT+ në Shqipëri. Në dhjetor të 2014 ai ishte ndër themeluesit e STREHA, shelterit të parë për personat LGBT+ në të gjithë Europën Juglindore. Kristi ka kryer studimetbachelor për Histori dhe Arkeologji në Universitetin e Tiranës dhe ka kryer edhe një sezon kërkimor në fushën e komunikimit të trashëgimisë kulturore në Universitetin e Bolonjës. Karrierën e ka filluar në vitin 2000 si gazetar dhe ka një përvojë të gjate në gazetari, duke qenë se ka punuar si gazetar dhe drejtues për media të rëndësishme si Kult, ATSH, Mapo, Shekulli, etj. Ka qenë gjithashtu Drejtor i Komunikimit të Lëvizjes MJAFT! dhe ka qenë I përfshirë në draftimin dhe implementimin e shumë fushatave mediatike kombëtare dhe ndërkombëtare mediatike, sidomos në lidhje me të drejtat e njeriut. Nga viti 2017 jeton me partnerin e tij në Kanada ku punon për organizatën Community Builders Group, në një projekt pilot strehimi për personat vulnerabël ne Vankuver. Ai vazhdon të angazhohet në aktivizëm për të drejtat e LGBT+ në Kanada ku kontribuon me shkrime per Daily Xtra ndërsa ndjek me vëmendje ecurinë e lëvizjes në Shqipëri, ku është anëtar i Bordit të Drejtorëve të Pro LGBT.