Një afresk i lashtë që përshkruan një skenë erotike nga miti grek “Leda dhe Mjellma” është zbuluar në parkun arkeologjik të Pompeit në Italinë qendrore.
Vepra artistike portretizon kryeperëndinë greke Zeus – ose Jupiterin në mitologjinë romake – duke marrë formën e një mjellme për të joshur mbretëreshën spartane Leda, bashkëshorten e Mbretit Tyndareus.
Afresku u zbulua të premten në zonën Regio V të Pompeit, qytetit të lashtë të shkatërruar gjatë shpërthimit të vullkanit Vezuv në vitin 79 e.s. Afresku paraqitet në gjendje shumë të mirë, i konservuar nga shtresat e hirit që e mbuluan pas shpërthimit vullkanik.
Së bashku me veprat të tjera erotike të mitologjisë klasike, skena e “Ledës dhe Mjellmës” ishte nga më populloret në mesin e Pompeianëve të shekullit të parë, sipas webfaqes zyrtare të parkut.
Miti gjithashtu ka frymëzuar disa nga artistët dhe poetët më të famshëm gjatë shekujve, duke përfshirë Leonardo da Vinçin dhe Mikelanxhelon. / k.j
Trending Now
Deklaratë për Shtyp
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.