6 muaj më pas, ende nuk dihet dëmi i shkaktuar nga zjarri në Bibliotekën Kombëtare

Alba Ahmetaj Posted On 08/09/2017

Gjashtë muaj pas zjarrit në Bibliotekën Kombëtare, ky institucion ende nuk ka publikuar asnjë informacion mbi dëmin e shkaktuar.

Tv Klan i ka dërguar një kërkesë për të mësuar numrin e librave, gazetave apo revistave të djegura dhe titujt e vjetërsinë e këtyre materialeve, por nuk ka marrë asnjë përgjigje. Në njoftimin e fundit të Bibliotekës Kombëtare u tha se janë djegur vetëm tre rafte me libra të pas viteve 2000, por as ky fakt nuk u konfirmua zyrtarisht.

Tv Klan mëson se as policia e as Prokuroria e Tiranës, nuk kanë kryer ende veprime hetimore ndaj nuk ka as një inventar të dëmit të shkaktuar.

Edhe sot, 6 muaj pas rënies së zjarrit, Biblioteka Kombëtare nuk ofron asnjë shërbim nga katet e nëndheshme. Faktor ky që mund të ketë ndikuar edhe në uljen e frekuentimit, pasi në tremujorin e dytë të 2017 frekuentimi ka qenë rreth 50% më i ulët se në të njëjtën periudhë të një viti më parë.

/l.k./

- Advertisement -

Author

Alba Ahmetaj

Alba Ahmetaj është juriste dhe bashkëthemeluese e ProLGBT. Ajo është një ndër asetet e Historia Ime që në fillimet e saj dhe zëri i saj është i dukshëm sidomos në seksionet e feminizmit, LGBT-ve dhe Drejtave të Njeriut të portalit pasi motivimi i saj ka qënë me i fokusuar në këtë drejtim. Ajo është aktiviste prej 10 vitesh për avancimin e të drejtave të komunitetit LGBTI në Shqipëri dhe ka luftuar për të ndihmuar përmirësimin e jetës së grave dhe vajzave të këtij komuniteti. Alba është Drejtoresha e Programeve të dedikuara grave dhe vajzave të komunitetit LBT.