Retorika anti-LGBT e kolegut të Tritan Shehut në PD

Të martën e 20 shkurtit opozita shqiptare organizoi një protestë në Bulevardin Dëshmorët e Kombit kundër “korrupsionit qeveritar” dhe kundër qeverisë së udhëhequr nga kryeministri Edi Rama.

Ndër personat që folën ishte edhe Besart Xhaferri, kryetari i Forumit Rinor të grupimit të Rithemelimit brenda Partisë Demokratike.

Në fjalën e tij Xhaferri i cili është zgjedhur në krye të FRPD në një palë zgjedhje të kontrstuara nga kandidatët por edhe zyrtarët e lartë të partisë Demokratike u mundua të biente në sy në një fjalim që i ngjante më shumë stilit të Tritan Shehut.

“Jemi këtu për të mbrojtur fëmijët tanë nga prindi një dhe prindi dy, pasi ne jemi shqiptar dhe për ne nëna dhe babai janë të shenjtë dhe kanë vlerën e Zotit”, tha Xhaferri, duke sulmuar komunitetin LGBTQ+.

Edhe pse termat “prindi 1” dhe “prindi 2” nuk i ka propozuar kurrë komuniteti LGBTQ+ në Shqipëri, Xhaferri nënkuptoj këtë komunitet gjatë fjalës së tij.

E djathta në Shqipëri nuk është se ka çuar përpara ndonjë ide konservatore edhe pse ka qeverisur me vite të tëra, por në vend të kësaj ka qeverisur edhe me të majtë siç është LSI e Ilir Metës, ndaj shfaqja si konservator i të Xhaferrit është minimalisht hipokrizi e më tej Akoma përpjekje për të bërë “aleat” në kupolën e partisë dhe në fraksionin Anti-LGBT në Partinë Demokratike që udhëhiqet nga Tritan Shehu.

Gjithsesi, Zoti.Xhaferri siç duket e ka zhgënjyer kreun e departamentit Anti-LGBTQ+ në parti Zotin.Shehu, pasi ky i fundit i është përkushtuar seiozisht kësaj çështje.

Pak ditë më parë Shehu shkruajti një postim në facebook me 260 fjalë ku shprehte “shqetësimin e thellë” pse Greqia votoi në parlament legalizimin e martesave mes personave LGBT.

Teksa Shehu I kushtoj 260 fjalë, Xhaferri në fjalimin e tij i kushtoj vetëm një fjali, që sigurisht do të ketë zhgënjyer profesor Shehun. Madje nga informacionet e pakonfirmuara brenda selisë blu Tritan Shehu ka kërkuar një takim urgjent me kryetarin e forumit rinor për t’i dhënë personalisht një “notë proteste” se përse Xhaferri nuk i kushtoi më tepër vëmendje kësaj çështje përballë uraganit opozitar.

Një tjetër fakt i rëndësishëm është se eksponentë të PD-së vijojnë ta përmendin “prindi 1” dhe “prindi 2” pavarësisht se komuniteti LGBTQ+ në Shqipëri ka reaguar zyrtarisht se nuk e kanë përmendur kurrë një propozim të tillë.

Tani ka dy mundësi për këtë situatë: Ose u ka pëlqyer si ide nga Pastori Akil Pano djali i të cilit është këshilltar i rithemelimit në Bashkinë e Tiranës, ose duan ta propozojnë vetë një gjë të tillë./ HistoriaIme