Prezantuesi gej i Sky News lavdërohet për përmendjen e bashkëshortit live në transmetim
Isa Myzyraj
Posted On 20/01/2024
Prezantuesi gej i Sky News, Gareth Barlow, ka ndarë një mesazh emocionues nga një shikues i cili tha se po bënte “një punë të mrekullueshme duke qenë vetja”, pasi përmendi bashkëshortin e tij drejtpërdrejt në transmetim.
Gareth Barlow ndau në X/Twitter një mesazh që kishte marrë nga një shikues.
Në mbishkrim ai tha: “Nuk e kam menduar gjithmone; por në reflektim jam shumë mirënjohës që mund të jem vetvetja ime haptazi.
Mesazhi thoshte se; “Kur isha djalë i ri, nuk arrita të shihja të përfaqësoheshim normalisht në TV dhe ti po bën një punë të mrekullueshme vetëm duke qenë ti”.
Mesazhi emocionues, i cili është pëlqyer më shumë se 1000 herë, ka marrë shumë komente mbështetëse.
Një ndjekës komentoi nën postimin “përfaqësimi ka rëndësi”, ndërsa dikush tjetër shkroi “krenar për ty”.
Një tjetër shkroi: “Kjo më ngroh zemrën, Gareth. Si një gej, përfaqësimi ka vërtet rëndësi.
“Ne duhet të jemi të përfaqësuar në media, politikë, sport, biznes, akademi, në të gjitha vendet e punës, e kështu me radhë. Faleminderit që jeni ju. Burri juaj është një burrë shumë me fat.”-shkroi dikush tjetër.
Gareth Barlow është një gazetar dhe prezantues i njohur televiziv në Britaninë e Madhe ndërsa deri në fund të vitit 2023 ai ka punuar për BBC si prezantues lajmesh dhe gazetar./ HistoriaIme
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.