Një protestues që mbante një flamur ylber dhe me një këmishë që shkruante “Respekt për gratë iraniane” në shpinë, vrapoi në fushë gjatë ndeshjes së së hënës midis Portugalisë dhe Uruguait në Kupën e Botës në Katar.
Punonjësit e sigurimit ndërhynë me shpejtësi dhe e larguan protestuesin, i cili kishte edhe “Save Ukraine” në pjesën e përparme të bluzës.
Turneu është rrethuar nga polemika mbi trajtimin e komunitetit LGBT nga Katari, si dhe demonstratat antiqeveritare në Iran.
Katari është një vend i cili shkel rregullisht të drejtat e komunitetit LGBTI+ por edhe të drejtat e njeriut!
Organizatat e të drejtave të njeriut kanë kritikuar FIFA-n se ka dështuar të sigurojë të drejtat e njeriut në Katar.
Në mars, një koalicion ndërkombëtar grupesh vuri në dukje mungesën e progresit të FIFA-s dhe Katarit në zbatimin e rekomandimeve të shoqërisë civile mbi të drejtat LGBT të bëra në Komitetin e Lartë të vendit, duke përfshirë reformën ligjore dhe garancitë e shprehjes së lirë.
Por pavarësisht historisë së mjerueshme të të drejtave të njeriut në Katar, duke përfshirë të drejtat e punëtorëve migrantë, kufizimet e rrepta për shprehjen e lirë dhe grumbullimin paqësor, politikat shtetërore që diskriminojnë dhe lehtësojnë dhunën ndaj grave dhe një mjedis represiv kundër banorëve dhe vizitorëve LGBT, Katari mbetet pritësi i turneut.
Referenca e vazhdueshme e Katarit ndaj “kulturës” për të mohuar të drejtat e njerëzve LGBT e largon përgjegjësinë nga sistemet shtetërore abuzive. “Kultura” nuk duhet të përdoret si mbulesë për diskursin, praktikat dhe legjislacionin që kanë përjashtuar në mënyrë efektive përmbajtjen e lidhur me orientimin seksual dhe identitetin gjinor nga sfera publike.
Ligji i Katarit ndalon aktet seksuale të të njëjtit seks ndërmjet burrave, por nuk i ndalon në mënyrë eksplicite ato për gratë, sipas raportit të të drejtave të njeriut të Departamentit të Shtetit të SHBA-së për vitin 2021. Marrëdhëniet e të njëjtit seks mes burrave mund t’i çojnë ata në burg deri në shtatë vjet./ HistoriaIme
FOTO: REUTERS
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.