Protesta e veçantë në Poloni kundër heqjes së “objekteve të padenja” nga Muzeu Kombëtar

Një protestë e veçantë përfshiu ditën e sotme kryeqytetin polak. Protestuesit u mblodhën në sheshin përballë Muzeut Kombëtar të Varshavës dhe në vend të pankartave kishin në duar banane, si simbol për objektet muzeale që po përpiqen të hiqen nga Muzeu pasi u konsideruan “të padenja” e “të pamoralshme”.

Fotoja e padenjë e hequr nga ekspozita në Muzeun Kombëtar

Rreth 1000 qytetarë morën pjesë në protestë duke bërë thirrje për largimin e drejtorit të Muzeut, pas deklaratës së tij se muzeu do të pastrohej nga objektet imorale. Ai ju referua njërës prej ekspozitave në veçanti, ku paraqiten punët e artistes polake Natalia LL. Ekspozita e cila është pjesë e muzeut që prej vitit 1973, paraqet një video të “Artit të konsumerizmit”, ku ndër të tjera shfaqet dhe rregjistrimi i një gruaje duke ngrënë një banane.