AKEP: Rritet me 26.5% numri i përdoruesve të internetit në celularë gjatë tremujorit të parë të 2017
Historia Ime
Posted On 24/07/2017
Autoriteti i Komunikimeve Elektronike dhe Postare (AKEP) ka publikuar të dhënat e tre mujorit të parë të 2017. Përdorimi i internetit përmes telefonave apo tabletëve, është rritur me plot 26.5% krahasuar me një vit më parë. Sipas AKEP sasia e trafikut të internetit në rrjetet celulare gjatë tremujorit të parë ishte rreth 9.6 milionë GB. Nisur nga ndryshimet e ofertave të kompanive celulare pak muaj më parë, duhet thënë se edhe kjo mund të jetë një faktor ndikues.
Një përdorues aktiv i aksesit broadband celular ka përdorur mesatarisht 1.85GB internet në muaj, që përbën një rritje të ndjeshme me 140% ose 2.4 herë më shumë krahasuar me konsumin mestar mujor të vitit 2015.
Nga ana tjetër numri i përdoruesve të internetit nga rrjete fikse ishte rreth 266 mijë me rënie të lehtë prej 0.1 % në krahasim me tremujorin e mëparshëm, por me një rritje me rreth 7.5 % në krahasim me të njëjtin tremujor në vitin 2016. /m.g/
Burimi: Top Channel
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.