Ndryshimet e bëra në ligjin e sigurimeve shoqërore, për përfitimin e pensioneve, kanë hyrë në fuqi që nga ky vit. Sipas ndryshimeve, parashikohet një rritje graduale e moshës dhe vjetërsisë në punë.
Duke filluar nga 2016-ta rritja e moshës së daljes në pension do të aplikohet vetëm për gratë. Do të ketë një rritje me 2 muaj në vit derisa në vitin 2032 të shkojë 63 vjeç.
Gjatë këtij viti, gratë do të dalin në pension në moshën 60 vjeç e 4 muaj. Më pas do të nisë edhe rritja e moshës për burrat, derisa të shkojë 67 vjeç në vitin 2056 për të dyja gjinitë.
Por pavarësisht se këto vite meshkujt nuk preken menjëherë nga rritja e moshës së daljes në pension, ata preken nga rritja e viteve të punës. Pra nëse me ligjin e vjetër vjetërsia e punës ishte 35 vite, këtë vit do të shkojë 35 vite e 8 muaj.
Rritja e vjetërsisë së punës ndikon drejtëpërdrejtë në uljen e pensionit, pasi sipas formulës së re, pensioni përbëhet nga një shumë bazë (6750 lekë), shumëzuar me vitet e sigurimit që ka çdo person dhe pjesëtuar me vitet e vjetërsisë së punës. /m.g
Burimi: BalkanWeb
Trending Now
You may also like
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.