Rikthehet shpifja si vepër penale, dënim nga gjobë deri në 3 vite burg
Historia Ime
Posted On 11/11/2015
Kryeministri Edi Rama është bërë nismëtar i një ndryshimi në kodin penal. Ai propozon rikthimin si vepër penale të shpifjes ndaj funksionarëve publikë dhe të zgjedhurve, duke kërkuar dënim nga gjobë deri në tre vite burg.
Kjo është një tërheqje nga dekriminalizimi i pjesshëm i shpifjes në vitin 2012. Ndryshim i propozuar nga qeveria e atëhershme dhe i miratuar me dakortësinë e opozitës që është sot në mazhorancë.
Ky propozim i qeverisë bie ndesh me rezolutën 1577 të vitit 2007 të miratuar nga Asambleja Parlamentare e Këshillit të Europës (PACE), me titull: “Drejt Dekriminalizimit të Shpifjes”. Në rezolutën e saj, PACE i bëri thirrje Vendeve Anëtare të garantojnë se nuk duhet të ketë abuzim me përndjekjen penale të shpifjes, shkruan Gjergj Erebara për BIRN.
Në relacionin shoqërues të këtij projektligji argumentohet se kjo nismë është ndërmarrë për shkak të ““nevojës për të penalizuar sjellje që manifestohen përkundrejt funksionarëve të lartë shtetërorë ose të zgjedhur, në rastin kur ndaj këtyre të fundit shpifet me qëllim dhe publikisht lidhur me fakte të cilat ligji i parashikon si vepra penale”.
/l.k./
Trending Now
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.