Baballarët përdhunojnë pa u ndëshkuar, duke rritur shtatzënitë e adoleshenteve Guatemalase

Në Guatemalë, shumica e shtatzënive midis vajzave nën 14 vjeç  janë rezultat i përdhunimit nga baballarët apo të afërmit e tjerë, por shpesh është vajza ajo që detyrohet të largohet nga shtëpia e saj, dhe shumë pak agresorë dënohen, tha se një aktivist për të drejtat e njeriut.

Gati një e katërta e të gjitha lindjeve në Guatemalë janë midis nënave adoleshente – një nga normat më të larta të shtatzënisë së adoleshenteve në Amerikën Latine.

“Në shumicën e rasteve të dhunës seksuale ndaj vajzave, disa edhe 10 vjeçare, shumica janë të kryera nga anëtarë të familjes, kryesisht nga babai i vajzës apo njerku,” tha Mirna Montenegro, kreu i Shëndetit Seksual dhe Riprodhues të Observatorit të Guatemalës (OSAR) .

Në vitin 2012, gati 90 për qind e të gjitha shtatzënive midis vajzave guatemalase nën 14 vjeç autorë ishin të afërmit, duke përfshirë kushërinjtë dhe xhaxhallarët, nga të cilat 30 për qind ishin rezultat i përdhunimit nga vetë baballarët, sipas avokatit të popullit Guatemalas.

Pavarësisht se janë miratuar ligje të reja në Guatemalë për të mbrojtur më mirë kundër dhunës seksuale, pak nga ata që kryejnë përdhunime kundër vajzave dënohen.

Sipas një ligji të vitit 2009, seksi me një fëmijë nën 14 vjeç është përcaktuar si përdhunim, por prej 2.000 rasteve të raportuara për përdhunime nën moshën 14 vjeçare të mbetura shtatzënë në vitin 2012, vetëm tetë rezultuan në dënime, ka thënë Montenegro.

Prokurori i fëmijëve Guatemalas, Harold Flores, tha se shkalla e lartë e shtatzënive midis adoleshenteve në vend ishte një “kamzhik”.

“Është për të ardhur keq që shumë prej këtyre rasteve janë rezultat i dhunës seksuale brenda familjes më të afërt: njerkut, xhaxhallarët, baballarët, dhe gjyshërit. Ne po shkojmë tek vajzat gjithnjë e më shumë sapo dëgjojmë për raste dhe kemi zgjeruar praninë tonë nëpër Guatemalë dhe në zonat rurale “, tha Flores.

SHOQËRIA MAÇO

Nivelet e larta të dhunës seksuale ndaj grave dhe vajzave rrjedhin nga statusi i ulët i grave, sidomos gratë indigjene Maya, jetojnë në një shoqëri patriarkale dhe maço.

“Maçoizmit ka të bëjë me besimimin se gruaja është pronë dhe zotërim i tyre. Ne kemi dëgjuar baballarë të thonë” Ajo është vajza dhe prona ime, kështu që unë do të bëj çfarë të dua me të, “tha Montenegro,

Ajo tha se dhuna gjinore është gjithashtu një trashëgimi e luftës civile e viteve 1960-1996 në Guatemalë kur përdhunimi u përdor si armë lufte.

Në Guatemalë, shtatzënia adoleshente është më e zakonshme midis vajzave të paarsimuara indigjene, veçanërisht në zonat e varfra rurale.

“Vajzat në zonat rurale nuk kanë ose dinë mundësi të tjera në jetë. Jetët e tyre janë të kufizuara për të gjetur një partner, të lindin fëmijë dhe të kujdesen për shtëpinë”, tha Montenegro.

Kongresi Guatemalas po shqyrton një projekt-ligj që do të rrisë moshën minimale ligjore për martesë në 16 vjeç për vajzat dhe 18 për djemtë.

“Për herë të parë ne po shohim çështjen e martesës së fëmijëve të flitet gjatë fushatës zgjedhore. Shumica e kandidatëve presidencialë kanë thënë se janë në favor të rritjes së moshës minimale për martesë”, ka thënë Montenegro, organizata e të cilës është në aleancë me universitetet, organizatat joqeveritare dhe ligjvënësit.

Vitin e kaluar, 5.100 vajza nën 14 vjeç mbetën shtatzënë në Guatemalë, nga 4,354 në vitin 2013, sipas OSAR.

Një arsye për rritjen është për shkak se spitalet dhe ofruesit e shëndetësisë duhet të raportojnë shtatzënitë e vajzave nën 14 vjeç në bazë të një ligji të miratuar në vitin 2012./A.A.

/www.reuters.com