VIDEO/ Ja si vidhet një biçikletë në Tiranë/ 5 këshilla si të mos bini pre e hajdutëve

Në këtë video tregohet se sa lehtë mund të vidhet një biçikletë në Tiranë. Pavarsisht rrezikut që vjen nga mungesa e korsive dhe trafikut të rënduar në qytet, janë gjithmon e më të shumtë njerëzit që zgjedhin të lëvizin mbi dy rrota.

Por një moment pakujdesie, ose zgjedhja e vendit të gabuar për ta lënë biçikletën, mund t’ju bëjë që të bini pre e hajdutëve. Është shumë e rëndësishme që ta lidhni biçikletën me një zinxhir të fortë.

Ja disa këshilla për të siguruar si duhet biçikletën tuaj.

1. Mos e lini kurrë biçikletën tuaj të pa lidhur në vende publike dhe zgjidhni një zinxhir të mirë për ta lidhur atë.
2. Vendoseni biçikletën në një vend të sigurt dhe kur jeni në shtëpi (mos e lini të palidhur në oborr)
3. Mos e lidhni kurrë biçikletën tuaj vetëm tek rrota e parë. Gjithmonë përdorni dy zinxhirë për ta lidhur
4. Kujdesuni që vendi ku e lidhni biçikletën të jetë i dukshëm dhe i qendrueshëm
5. Mbani një foto të biçikletës tuaj dhe regjistroini numrin e saj serial, për ta denoncuar në rast se bini pre e hajdutëve.