Konferenca e “kurimit gej” në Londër është anuluar pas një peticioni të firmosur 40,000 herë

Një kishë në Londër ka anuluar një ngjarje që  paraqiste një numër të aktivistëve “ish-gay” të cilët kanë tentuar të “kurojnë” personat gej.

“Kisha Adventiste Dita e Shtatë” kishte planifikuar që të organizonte një ‘Konferencë për Seksualitetin e Shenjtë’ 5-ditore gjatë këtij muaji, në të cilën do të flisnin disa njerëz të cilët gjoja kishin ‘shëruar’ seksualitetin e tyre.

Në një deklaratë në faqen e internetit EventBrite rreth kësaj ngjarje, dhe pas një peticioni që u nënshkrua rreth 40.000 herë, organizatorët njoftuan se nuk do të vazhdojnë me konferencën.

Duke e pranuar se “Konferenca kishte potencialin për të ndarë”, kisha tha se eventi është anuluar.

Zëvendës kryeministri Nick Clegg kohët e fundit ka folur më shumë për terapinë ‘kurimi gej’, duke thënë për PinkNews se është një “absurditet i rrezikshëm”.

Duke iu përgjigjur një pyetje nga drejtori i Telegraph-it, Zotit Guy Black i Brentwood, Z. Clegg tha: “Është tmerrësisht fyese për mua që dikush mund të mendojë se personat gej kanë nevojë të” kurohen “.

“Nëse ndonjë gjë ka nevojë për kurim, ai është besimi i vjetëruar se të jesh gej është e gabuar apo për të ardhur turp. Seksualiteti nuk është një sëmundje, por një pjesë e pandarë e atyre që jemi.”

“Shumë njerëz tashmë e dinë që terapia e konvertimit është një marrëzi e rrezikshme, por ne kemi nevojë të sfidojmë çdo këshilltar të mbetur që beson se mund ta” trajtojë “homoseksualitetin.

“Norman Lamb, Ministri i Shëndetësisë së Demokratëve Liberalë, ndihmoi të bashkojë organizatat udhëheqëse të NHS (National Health Service­ – Shërbimi Kombëtar i Shëndetit), profesioneve mjekësore dhe psikologjike që të nënshkruajnë për një Memorandum të ri Mirëkuptimi.

“Kjo bëri të qartë se terapia e konvertimit është jo etike, potencialisht e dëmshme dhe nuk mund të sigurohet brenda NHS-së. Unë nuk do të përjashtoja veprime të mëtejshme nëse është e nevojshme.”

Marrë nga: www.pinknews.co.uk