Pasuritë kombëtare transportohen me furgon, ashtu siç transportohen drutë

Kjo është mënyra si ikonat e koleksionistit Gjergji Thimo, i dënuar me 7 vite burg për trafik veprash arti, u transferuan nga Galeria e Arteve në Muzeun Kombëtar.

Ikonat janë sekuestruar dy vite më parë nga Prokuroria e Tiranës dhe me vendim të Ministrisë së Kulturës u magazinuan në ambientet e GKA nën ruajten e policisë së Shtetit.

Mënyra skandaloze e transportit të ikonave qindravjeccare tregon një rast flagrant  keqtrajtimi të veprave të artit që tashmë konsiderohen pasuri kombëtare.

Artan Shabani, drejtori i Galerisë Kombëtare të Arteve, në një prononcim për median tha se zhvendosja e ikonave është bërë me urdhër të Ministrisë së Kulturës dhe shtoi se ai nuk mund të ndërhyjë në punën e institucioneve të tjera.

Transportimi i ikonave nga Galeria Kombetare e Arteve

Duket se Ministria e Kulturës dhe Policia e Shtetit janë “kujdesur” deri në fund për ikonat. Duke i depozituar ato në Muzeun Kombëtar, të hedhura në dysheme e me pjesë të thërrmuara. “Shqiptarja.com” raporton se asnjë funksionari Muzeu Kombëtar nuk iu përgjigj interesit të gazetarëve për mënyrën e transportit, kushtet në të cilat do ruheshin ikonat dhe mbi të gjitha për inventarizimin e tyre.

Depozitimi i ikonave në Muzeun Kombëtar

/l.k./