FOTO/VIDEO/ Protesta përpara Drejtorisë së Policisë për lirimin e studentëve
Historia Ime
Posted On 02/11/2015
Në ambientet e Drejtorisë së Policisë në Tiranë, nuk kanë vonuar të mblidhen studentë, aktivistë dhe mbështetës të lëvizjes “Për Universitetin”, për të protestuar ndaj arrestimit të studentëve që tentuan të qëllonin me vezë kryeministrin Edi Rama.
Protestuesit të mbledhur pranë Drejtorisë së Policisë, thonë se nuk do të largohen që aty derisa studentët të lirohen.
Ndërkohë aty kanë arritur edhe përfaqësues të Avokatit të Popullit. Të cilët siç lajmërohet, fillimisht nuk janë lejuar të takojnë studentët.
“Kemi 45 minuta që tentojmë të futemi brenda ambienteve, të ushtrojmë detyrën tonë. Aktualisht jemi penguar nga policia dhe kjo është shkelje e rëndë. Presim ta verifikojmë dhe të hetojmë për ngjarjen”.
Pesë prej studentëve të arrestuar i përkasin lëvizjes “Për Universitetin” dhe tre janë nga Lëvizja Studentore në Prishtinë.
Lëvizja “Për Universitetin”, nëpërmjet një njoftimi në “Facebook” denoncon dhunën e ushtruar nga policia ndaj personave të arrestuar dhe bën thirrje për lirimin e menjëhershëm të aktivistëve.
Emrat e studentëve të arrestuar:
Anita Lushi
Klodi Hoxha
Valton Marku
Bora Mema
Dardan Konjufca
Liri Kuci
Durim Jasharaj
Vitori Cipi
Historiaime.al është një zë i pavarur në mbrojtje të të drejtave të njeriut. Ne raportojmë si për shkeljet e të drejtave të njeriut ashtu edhe për histori njerëzore që i promovojnë këto të drejta. Ky projekt synon të ndryshojë qëndrimet jo fort etike karshi të drejtave të njeriut nga ana e medias kombëtare si ajo e shkruar, ashtu edhe ajo vizive dhe media e re online.