Tiranë: 207 familje në pritje të banesave sociale, 385 apartamente janë bosh

Bashkia e Tiranës mori në dorëzim 385 apartamente në zonën e Shkozës në shkurt 2014.

Ndërkohë që numri i personave të regjistruar si të pastrehë i kalon 11 mijë, janë 177 familje që presin të përftojnë nga trajtimi me banesa sociale në kryeqytet.
Në listën me 177 emra, gjatë këtij muaji janë shtuar dhe 30 emra që plotësonin dokumentacionin.

Por këto familje nuk po arrijnë të përftojnë nga banesat sociale, shkak është bërë shtyrja e mbledhjes së Këshillit Bashkiak.
Nëse mbledhja dhe miratimi i emrave që kanë kaluar fazën e përzgjedhjes nuk bëhet gjatë muajit në vijim, rrezikohet që banesat të shpërndahen pas zgjedhjeve pasi një muaj përpara fushatës Këshilli Bashkiak shpërndahet.